Dell Precision 7740 សៀវភៅណែនាំអំពីសេវាកម្ម

ចំណាំ ៖ ផ្តាច់ប្រភពថាមពលទាំងអស់មុននឹងបើកគម្រប ឬផ្ទាំងបន្ទះកុំព្យូទ័រ។ បនា្ទប់ពីធ្វើការនៅខាងក្នុងកុំព្យូទ័រ សូមដាក់គម្រប ផ្ទាំង រួមទាំងខ្ចៅទាំងអស់ចូលវិញមុននឹងភ្ជាប់ចូលព្រីភ្លើង។

ការព្រមាន ៖ មុននឹងធ្វើការនៅខាងក្នុង​កុំព្យូទ័ររបស់អ្នកចូរអានសេចក្តីណែនាំអំពីសុវត្ថិភាពតាមឯកសារ ដូចដែលមានភ្ជាប់មកជាមួយម៉ាស៊ីនកុំព្យូទ័ររបស់អ្នក។ សម្រាប់ព័តមានបន្ថែម ស្តីពីការអនុវត្ត​ប្រកប​ដោយ​សុវត្ថិភាព​បំផុត សូមមើល Regulatory Compliance Homepage (ការអនុវត្តតាមបទបញ្ញត្តិ) ។

ប្រយ័ត្ន ៖ ការជួសជុលជាច្រើនទៀតអាចត្រូវបានជួសជុលដោយអ្នកបច្ចេកទេសខាងសេវាកម្មតែប៉ុណ្ណោះ។ អ្នកគួរតែអនុវត្តការដោះស្រាយបញ្ហា និងការជួសជុលសាមញ្ញៗតាមឯកសារ​ផលិតផល​របស់​អ្នក​ឬ តាមការណែនាំដោយសេវាកម្មតាមអ៊ីធឺណិត ឬទូរស័ព្ទ និងក្រុមជំនួយ។ ការខូចខាតដោយសារការផ្តល់សេវាកម្ម​ដែលមិនត្រូវបានអនុញ្ញាតដោយក្រុមហ៊ុន Dell គឺមិនបានទទួលការធានាពីក្រុមហ៊ុនឡើយ។ អាន និងអនុវត្តតាមការណែនាំសុវត្តិភាពដែលបានភ្ជាប់ មកជាមួយផលិតផល។

ប្រយ័ត្ន ៖ ដើម្បីជៀសវាងការបញ្ចេញថាមពលអគ្គីសនីស្តាទិក ត្រូវឈរផ្ទាល់នឹងដី ដោយប្រើប្រាស់ខ្សែកដៃ ឬដោយយូរៗម្តងប៉ះផ្ទៃលោហៈដែលពុំមានលាបថ្នាំដូចជាឧបករណ៍ភ្ជាប់ខាងក្រោយកុំព្យូទ័រ។

ប្រយ័ត្ន ៖ កាន់ឧបករណ៍និងកាតដោយយកចិត្តទុកដាក់។ កុំប៉ះឧបករណ៍នៅលើកាតដោយផ្ទាល់។ កាន់កាតខាងគល់ឬទម្រខាងដែក កាន់​ឧបករណ៍​ដូច​ជាអង្គ​ដំណើរ​ការ​ខាង​គល់​ មិន​ត្រូវ​កាន់​ខាង​ភីន​ទេ។

ប្រយ័ត្ន ៖ នៅពេលអ្នកផ្ដាច់ខ្សែ​ត្រូវទាញនៅលើឧបករណ៍ភ្ជាប់ឬ ផ្ទាំងទាញរបស់វា មិនមែនទាញខ្សែដោយផ្ទាល់នោះទេ ខ្សែខ្លះមានឧបករណ៍ភ្ជាប់ជាមួយផ្ទាំងចាក់សោរដូច្នេះប្រសិនបើអ្នកកំពុងផ្តាច់ខ្សែនេះ ត្រូវចុចនៅលើផ្ទាំង​ចាក់សោរ​​មុនពេលអ្នកផ្តាច់ខ្សែ។ នៅពេលអ្នកទាញឧបករណ៍ចេញ, ត្រូវដាក់តម្រៀប​ឲ្យស្មើដើម្បីជៀសវាង ការទោរ​ទៅ​រកភីន​របស់​ឧបករណ៍​ភ្ជាប់ផ្សេងទៀត។ ដូចគ្នានេះផងដែរ មុនពេលអ្នកភ្ជាប់ខ្សែ​ត្រូវប្រាកដ​ថាឧបករណ៍ភ្ជាប់​ទាំង​ពីរត្រូវ​​​​បានតម្រង់​​បានយ៉ាងត្រឹមត្រូវ។

ចំណាំ ៖ ពណ៌នៃកុំព្យូទ័ររបស់អ្នក និងគ្រឿងម៉ាស៊ីនមួយចំនួនអាច​ខុសប្លែកពីអ្វីដែលបានបង្ហាញនៅក្នុងឯកសារនេះ។